صحفي سعودي " علي الزهراني " : أخشى على الاتحاد من اسم الأهلي المصري في كأس العالم للأندية ..
اسم الأهلي يشكل بعبع للاتحاد
.
تعليقى على هذا التصريح
.
ولحد دلوقتى ماطلعتش إتكلمت على خبر مواجهة الاهلى مع الاتحاد السعودى
.
الهلال السعودى نادى كبير ومحترم بس الهلال السعودى الإعلام وصللوا إن الاهلى فريق عادى وفريق فاضى
وإن الاهلى هرب من مواجهة الهلال السعودى
ولما الهلال كان موجود فى كأس العالم للأندية وقابل
نادى بحجم تشيلسى عمل ماتش عمرة اة بس خسر من تشيلسى
ولما لقى نفسة عمل ماتش عالمى ادام تشيلسى نزلوا مباراة الاهلى بيستهتروا بس الاهلى فى اول ربع ساعة بس كان كسبان 2 - 0 برأسية ياسر إبراهيم مالحقوش بقى حاولو يداروها كانت بتفتح من الناحية التانية وخلصت المباراة والاهلى كان كسبان بنتيجة كبيرة ادام نادى كانو بيقولوا
إن الاهلى كان خايف من مواجهة الهلال السعودى
دة غير إن جمهور الاهلى مابينساش ونصب السيرك لجماهير
الهلال السعودى بمقولة
اية اللى حصل عندكوا هية هييية
ماتسمعونا حسكوا هية هييية
تعالا بقى اقولك إتحاد جدة قلقان لية بالرغم من الميركاتو العالمى اللى عملوا إتحاد جدة سواء كان كريم بنزيمة او كانتى او فابينيو دة دول الاسماء اللى انا فاكرهم
بعد ما القرعة وصلت إتحاد جدة يقابل الاهلى فى ربع نهائى البطولة اول حاجة فكرت غيها جماهير إتحاد جدة
إن أسعار التذاكر سعرة يبقى اعلى من سعرة الحقيقي
علشان جماهير الاهلى اللى فى السعودية مايعرفوش
يشتروا تذاكر المباراة وفاكرين إن جماهير الاهلى مش هاتعرف تشترى التذاكر
بس أحب اقول لكل جماهير السعودية ان السكة دية مابتنفعش مع جماهير الاهلى وان جمهور الاهلى عنيد جدا
ولو التذكرة وصلت لألف ريال سعودى او 10 ألاف ريال سعودى جماهير الاهلى هاتبقى موجودة وهاتبقى اكتر من جمهور إتحاد جدة
تعالا بقى اكلمك فنيات
لو فى حد من جمهور الاهلى فاكر إن إتحاد جدة هايبقى زى الهلال السعودى فا انا بقولة إنسى لأن إتحاد جدة إتعلمت من مباراة الهلال السعودى دة غير إنهم عندهم احسن دفاع وأحسن خط نص فى الدورى السعودى بدليل إن إتحاد جدة خد الدورى السعودى وبدليل إنهم موجودين بس فى كأس عالم أندية علشان هو بطل الدورى للدولة المستضيفة للبطولة دة غير ان نونو سانتو عامل توليفة بين اللاعيبة
تقريبا كدة اللاعيبة دية تخش فى الحيطة تطلع من الناحية التانية
فا لازم مارسيل كولر ياخد بالة من تلات حجات مهمين قبل ما المباراة
اول حاجة واهم حاجة انة ماينساش اللى الاهلى عملة فى الهلال السعودى
وتانى حاجة طريقة تفكير مدرب إتحاد جدة (نونو سانتوس) فى الملعب
تالت حاجة وهاتبقى أسهل حاجة بالنسبة لمارسيل كولر وهيا قراية اللاعيبة
ورابع حاجة دية من عندى انا إن جمهور الاهلى من اول دقيقة لأخر دقيقة ماتبطلش تشجيع فى لاعيبتنا اللى مارسيل كولر جددلهم الثقة
وياريت جمهور الاهلى يعمل تيفو لجمهور إتحاد جدة ماتقلش اى حاجة عن التيفو اللى عملوة لجمهور الوداد المغربى
فا على جمهور الاهلى إنة ينصب السيرك وينشر الرعب لجمهور إتحاد جدة وصدقونى دية هاتبقى بداية المكسب فى الملعب
المكسب بيبتدى بخطوة واول خطوة هاتبقى هما شعب الاهلى 
0 تعليقات